ក្រុម Real Madrid របស់លោក Zidane បានយកឈ្នះលើក្រុម Getafe ក្នុងលទ្ធផល ២-០ សម្រាប់ការប្រកួតពានរង្វាន់ La Liga នាយប់មិញនេះ។
២គ្រាប់របស់ Real ធ្វើបានសម្រេចដោយ Karim Benzema ១គ្រាប់និងខ្សែការពារ Mendy ១គ្រាប់។ នេះជាលទ្ធផលល្អមែនទែនសម្រាប់ក្រុមលោក Zidane ស្របពេលពួកគេជួបបញ្ហាកីឡាករសំខាន់ៗរបួសច្រើនខ្លាំង។ ដោយការប្រកួតទល់ Getafe នេះ ក្រុម Real Madrid ក៏បានប្រើប្រាស់យុវជនក្មេងៗឱ្យចូលជួយក្រុមខ្លះផងដែរ។
ក្រុមអធិរាជស បានឡើងទៅចំណាត់ថ្នាក់លេខ២សិនហើយ ដោយលើសក្រុម Barcelona ៣ពិន្ទុ តែលើស១ប្រកួត។ ស្របពេលក្រុមលេខ១ Atletico Madrid វិញ នៅឈរកំពូលតារាងដដែល ដោយដាច់ឆ្ងាយនិងសល់ការប្រកួតក្នុងដៃទៀត៕ប្រភព Dailymail