ខ្សែការពារ Sergio Ramos បានបញ្ជាក់ថាខ្លួនគ្មានជម្រើសនោះទេ ក្នុងការវះកាត់ជង្គង់របស់ខ្លួន ក្រោយពីមានបញ្ហាធ្ងន់ធ្ងរ។
ប្រធានក្រុម Real Madrid ខាងលើនេះ នឹងត្រូវចូលវះកាត់ជង្គង់របស់ខ្លួនហើយ ក្រោយពីរកឃើញថារងរបួសធ្ងន់ធ្ងរ ត្រូវការការវះកាត់ជាចាំបាច់។ ដោយការវះកាត់ជង្គង់នោះដែរ ទំនងជានឹងត្រូវសម្រាកយ៉ាងតិច២ខែឯណោះ។ សាមីខ្លួន Ramos ក៏ចេញមុខមកប្រាប់អ្នកគាំទ្រដែរថា រូបគេមិនមានជម្រើសអ្វីនោះទេ ក្រៅពីការវះកាត់នេះ ទើបអាចជាសះស្បើយបាន និងអាចចូលលេងជាធម្មតា។
សូមបញ្ជាក់ថាកីឡាករអេស្ប៉ាញខាងលើ មានកុងត្រាជាមួយក្រុម Real Madrid ត្រឹមចប់រដូវកាលនេះទៀតប៉ុណ្ណោះ ក្រោយពីរួមរស់ជាមួយគ្នាច្រើនឆ្នាំមកនេះ។ ដោយឡែកការបន្ដកុងត្រាថ្មីណាមួយនៅមិនទាន់កើតមានឡើយ ហើយក៏មានដំណឹងថា PSG កំពុងព្យាយាមទាក់ទងរូបគេផងដែរ៕
ប្រភព៖ Marca