ក្រុម Chelsea មិនអាចធ្វើដំណើរទៅប្រទេសអេស្ប៉ាញបានទេ ដោយសារតែអេស្ប៉ាញ កំពុងដាក់បម្រាមមិនឱ្យអ្នកនៅអង់គ្លេសចូលប្រទេសខ្លួនឡើយ។
បម្រាមខាងលើនេះ ដាក់ចេញតាំងពីអង់គ្លេសរកឃើញករណីបម្លែងខ្លួនថ្មីរបស់មេរោគកូវីដ១៩មកម្ល៉េះ។ នេះមានន័យថាក្រុមតោខៀវ ដែលស្ថិតនៅប្រទេសអង់គ្លេសនោះក៏មិនអាចធ្វើដំណើរទៅអេស្ប៉ាញដើម្បីប្រកួតជាមួយក្រុម AT Madrid បានដែរ។ ដោយពួកគេនឹងត្រូវស្វែងរកទឹកដីកណ្ដាលមួយសម្រាប់ការប្រកួតជើងទី១ពានរង្វាន់ UEFA Champions League ។
UEFA មិនទាន់សម្រេចថាយកប្រទេសណាធ្វើជាម្ចាស់ផ្ទះការប្រកួតនេះទេ ដោយពេលនេះមានជម្រើស២។ ជម្រើសទី១យករ៉ូម៉ានី និងជម្រើសទី២យកប្រទេសប៉ូឡូញ៕
ប្រភព៖ DailyMail