លោកOle Gunnar Solskjaer បានព្រមានទៅអ្នកចាំទី David de Gea ថាត្រូវប្រឹងប្រែងជាងនេះទៀត ដើម្បីរក្សាតំណែងអ្នកចាំទីដៃទី១របស់ខ្លួនសម្រាប់ប្រកួតក្រោយៗទៀត។
ក្រុម Man Utd លេងបានត្រឹមស្មើជាមួយក្រុម Everton ក្នុងលទ្ធផល ៣-៣ ប៉ុណ្ណោះ ក្រោយពីក្រុមបិសាចក្រហមរបូតគ្រាប់បាល់ចុងម៉ោង។ លទ្ធផលស្មើគ្នានេះបានធ្វើឱ្យលោក Ole មិនសប្បាយចិត្តឡើយ ព្រោះការប្រកួតនេះក្រុមរបស់លោកបានគ្រប់គ្រងការប្រកួតល្អ តែគួរឱ្យស្ដាយទៅរបូតចុងម៉ោងនាទី៩០+៥ទៅហើយទៅវិញ។
ទាក់ទងនឹងការប្រកួតនេះដែរ Ole បានប្រាប់ទៅអ្នកចាំទី De Gea ថារូបគេត្រូវពង្រឹងសមត្ថភាពបន្ថែមទៀត ព្រោះកន្លងមកនេះរបូតគ្រាប់បាល់ញឹកញាប់។ ជាពិសេស២គ្រាប់ទល់ក្រុម Everton នោះតែម្ដង។ លោកបានបន្ថែមថា ប្រសិនបើកំហុសដដែលៗ នៅតែកើតមាន នោះ De Gea ទំនងជាមិនអាចរក្សាដៃទី១ក្នុងក្រុមបាននោះទេ៕ប្រភព Dailymail