ខ្សែប្រយុទ្ធ Harry Kane បន្ទាប់ពីជាសះស្បើយពីរបួសភ្លាម ចូលលេងឱ្យក្រុម Spurs នៅយប់មិញនេះ រកគ្រាប់បាល់បានភ្លាម ជួយក្រុមឈ្នះ ២-០ លើក្រុម West Brom ។
នេះជាជ័យជម្នះឡើងវិញរបស់ក្រុម Spurs ក្រោយពីបរាជ័យផ្ទួនៗគ្នាកន្លងមក ដែលអវត្តមានប្រធានក្រុម Harry Kane ។ ការវិលត្រលប់មកជួយក្រុមវិញបាននេះ ធ្វើឱ្យលោក Jose Mourinho អ្នកចាត់ការក្រុមសប្បាយចិត្តជាខ្លាំង ព្រោះទម្រង់លេងល្អឡើងវិញ ជាពិសេសទទួលបានជ័យជម្នះតែម្ដង។
លោក Jose បានហៅ Kane ថាជាខ្សែប្រយុទ្ធល្អបំផុតនៅលើលោកនេះ នាពេលបច្ចុប្បន្ន។ រូបគេបានក្លាយជាកីឡាករពិសេសបំផុតនៅក្នុងប្រវត្តិសាស្ត្ររបស់ក្រុម Spurs ដែលអាចនឹងបំបែកកំណត់ត្រាជាច្រើននាពេលខាងមុខនេះ។ អ្នកចាត់ការខាងលើក៏យល់ស្របផងដែរថា ក្រុម Spurs ពិតជាពិបាករកគ្រាប់បាល់នៅពេលអវត្តមាន Kane ខ្លាំងណាស់នាពេលកន្លងមកនេះ៕ប្រភព Dailymail
