លោក Pep Guardiola បង្ហើបគម្រោងចង់ឱ្យអ្នកចាំទី Ederson ជាអ្នកទាត់ប៉េណាល់ទីក្នុងក្រុម Manchester City តែម្ដង បន្ទាប់ពីឃើញ Ilkay Gundogan ទាត់មិនល្អ ពេលប៉ះក្រុម Liverpool នៅយប់មិញនេះ។
ក្រុម Man City បានបំបាក់ក្រុម Liverpool ក្នុងលទ្ធផល ៤-១ នាការប្រកួតលីគកំពូលអង់គ្លេស។ ដោយក្នុងការប្រកួតនេះ ពួកគេក៏ស៊ុតប៉េណាល់ទីមិនសម្រេច១ដែរ ពីសំណាក់ខ្សែបម្រើ Ilkay Gundogan ដែលធ្វើឱ្យលោក Pep ហាក់ដូចជាមិនសប្បាយចិត្តចំពោះការប៉េណាល់ទីមិនចូលនេះឡើយ។
ក្រោយពីចប់ការប្រកួត លោក Pep បានបង្ហើបរឿងមួយថាលោកទំនងជាផ្លាស់ប្ដូរអ្នកទាត់ប៉េណាល់ទីក្នុងក្រុមហើយ។ ដោយអាចនឹងផ្ដល់ឱកាសទី១ឱ្យទៅអ្នកចាំទី Ederson ជាអ្នកទាត់វិញ ក្រោយពីមើលឃើញសមត្ថភាពអ្នកចាំទីប្រេស៊ីលរូបនេះ ទាត់បានច្បាស់ល្អ ក្នុងពេលហ្វឹកហាត់កន្លងទៅនេះ៕ប្រភព Marca