ហង្សក្រហម Liverpool មិនអាចយកឈ្នះក្រុមភ្ញៀវមេឃខៀវ Man City បាននោះទេ នៅការប្រកួតលើទីលានមរណៈ Anfield យប់មិញ ហើយទទួលរងបរាជ័យក្រោមលទ្ធផល ១-៤ ឯណោះ។
នោះក៏ដោយសារតែការចុះថយនៅប្រព័ន្ធការពារខាងក្រោម ហើយអ្នកចាំទី Alisson បង្កកំហុសក្នុងការសង្រ្គោះបាល់ដល់ទៅ ២ លើក។ ដំបូងឡើយ Gundogan មានឱកាសស៊ុតបាល់ ១១ ម៉ែត្រតែស៊ុតហោះទៅលើខុសគោលដៅ រហូតដល់ចូលតង់ទីពីរ ទើបកើតមានគ្រាប់បាល់ដោយការបញ្ចប់ទីរបស់គេសារជាថ្មី។
លុះដល់នាទី ៦៣ Mohamed Salah មានឱកាសស៊ុត ១១ ម៉ែត្រតាមស្មើបានវិញ តែមិនយូរប៉ុន្មាននៅចន្លោះនាទី ៧៣ និង ៧៦ Alisson បានភ្លាត់ស្នៀតក្នុងការសង្រ្គោះបាល់ និងកាត់បាល់ចេញនាំឲ្យនាំមុខដាច់ពីរគ្រាប់ដោយការស៊ុតរបស់ Ilkay Gundogan និងការតែតរបស់ Raheem Sterling។ រីឯគ្រាប់បាល់ទី ៤ ធ្វើបានដោយ Phil Foden ជាការបញ្ចប់ទីផុតដៃអ្នកចាំទីយ៉ាងស្អាត។
ទស្សនាវីដេអូខាងក្រោម៖
បញ្ជាក់ថា បច្ចុប្បន្ន City ឈរនៅកំពូលតារាងមាន ៥០ ពិន្ទុនៅសល់ ១ ប្រកួតក្នុងដៃ នាំមុខ United ៥ ពិន្ទុ និង Leicester City ៧ ពិន្ទុ៕