ក្រុមបិសាចក្រហម Manchester United បានបរាជ័យក្រោមថ្វីជើងរបស់ Brighton ក្នុងលទ្ធផល ៣-២ នាសប្ដាហ៍ទី២ លីគកំពូលអង់គ្លេស។
ចាញ់យប់មិញនេះដែរ អ្នកគាំទ្របានដាក់បន្ទុកទៅលើតំបន់ការពាររបស់ក្រុមជាខ្លាំង ដែលតែងតែធ្វេសប្រហែសឱ្យខាង Brighton មានឱកាសជានិច្ច។ ជាមួយគ្នានោះ Eric Bailly និង Victor Lindelof ជាអ្នករងខ្លាំងជាងគេ ព្រោះប្រកួតយប់មិញ ពួកគេបានបង្កកំហុសច្រើនមែនទែន។
ចំពោះរឿងនេះដែរ លោក Jose Mourinho អ្នកចាត់ការក្រុមបិសាចក្រហម មិនមានអ្វីនិយាយឡើយ បើទោះជាអ្នកកាសែតបានសួរសំនួរជាច្រើនក៏ដោយ។ លោកបានអះអាងថា៖ “ពេលខ្ញុំនិយាយមតិផ្ទាល់ខ្លួនខ្ញុំ នោះខ្ញុំនឹងដាក់បន្ទុកទៅលើពួកគេ អ្នកនឹងមិនទទួលឡើយ។ ដូច្នេះសូមកុំសួរខ្ញុំពីរឿងនេះអី។ ខ្ញុំសប្បាយចិត្តនិយាយពីការលេងរបស់ពួកគេ នៅពេលយើងឈ្នះ។ វាល្អណាស់ បើឈ្នះហើយមកនិយាយនៅមុខកាម៉េរ៉ា”។
បញ្ហាតំបន់ការពារនេះ លោក Jose Mourinho បានព្យាយាមទិញកីឡាករចំណូលថ្មីច្រើនមែនទែន ប៉ុន្តែចុងក្រោយគ្មាននរណាម្នាក់មកលេងឱ្យបិសាចក្រហមឡើយ៕ប្រភព៖ dailymail