នៅការប្រកួតរវាង Newcastle United និង Southampton កាលពីយប់មិញ បានបញ្ចប់ទៅនៅលទ្ធផល ៣-២ ដែលនាំឲ្យសារិកាព្រៃយកបាន ៣ ពិន្ទុរំកិលឈ្មោះឡើងមកឈរនៅលេខ ១៦ ក្នុងតារាង Premier League។
អ្វីដែលគួរឲ្យចាប់អារម្មណ៍បំផុតនោះ វាគឺជារកបានគ្រាប់បាល់ដំបូងរបស់កីឡាករជប៉ុន Takumi Minamino សម្រាប់ក្លឹបថ្មី Southampton ក្រោយត្រូវបាន Liverpool ដាក់ឲ្យខ្ចីជើងដល់បញ្ចប់រដូវកាល។ ខ្សែបម្រើសញ្ជាតិជប៉ុន បានស៊ុតបាល់កាច់ចង្កេះយ៉ាងឡូយនៅឯកីឡដ្ឋាន St James’Park ប៉ុន្តែសោកស្តាយក្រុមមិនអាចទទួលបានជ័យជម្នះ។
ទស្សនាវីដេអូខាងក្រោម៖
បញ្ជាក់ថាកីឡាករវ័យ ២៦ ឆ្នាំ បានផ្ទេរមក Liverpool នៅថ្ងៃទី ១ មករា ឆ្នាំ ២០២០ តែរយៈពេលជាង ១ ឆ្នាំគេបង្ហាញខ្លួនបាន ៣១ ប្រកួត ភាគច្រើនជាកីឡាករបម្រុង ហើយរកបាន ៤ គ្រាប់និង Assist ២ លើកប៉ុណ្ណោះ ទើបលោក Jurgen Klopp សម្រេចផ្ទេរគេចេញឲ្យមកមានពេលវេលាលេងគ្រប់គ្រាន់នៅក្លឹបថ្មីបណ្តោះអាសន្ន៕