Jack Grealish បច្ចុប្បន្នជាខ្សែបម្រើលេចធ្លោមួយរូបនៅ Premier League និងជាកីឡាករដ៏សំខាន់របស់ក្លឹប Aston Villa ហើយក៏មានដំណឹងថាក្លឹប Man Utd តាមឃ្លាំមើលមិនដាក់ភ្នែកផងដែរនៅរយៈពេលចុងក្រោយ។
Grealish សេសសល់សុពលភាពកុងត្រាជាមួយ Villa ដល់ឆ្នាំ ២០២៥ ប៉ុន្តែ United ហាក់មិនញញើតនោះទេក្នុងការចរចា ដែលធ្វើឲ្យសាមីខ្លួនក៏កំពុងមានភាពស្ទាក់ស្ទើរ ព្រោះវាជាឱកាសដែលអាចវិវត្តខ្លួនទៅចូលរួមនៅក្លឹបមានភាគរយខ្ពស់ប្រជែងពាន Premier League និងកៅអីនៅ Champions League។
យ៉ាងណាមិញតាមរបាយការណ៍ចុងក្រោយពី 90min បានចុះផ្សាយថា ក្លឹបម្ចាស់ដី Villa Park បាននឹងកំពុងរៀបចំសំណើផ្តល់ជូនថ្លៃពលកម្មថ្មីសម្រាប់កីឡាករអង់គ្លេស ដោយធ្វើការដំឡើងពីប្រាក់ ១២០ ០០០ ផោន/សប្ដាហ៍ មកដល់ ២០០ ០០០ ផោន/សប្ដាហ៍។
សំណើថ្មីនេះ នឹងធ្វើឲ្យ United ក៏ដូចជាបណ្ដាក្លឹបឯទៀតដូចជា Spurs, Chelsea, Man Cityដែលចង់បានខ្សែបម្រើខាងលើ ពិបាកនឹងចរចា ព្រោះវាជាទំហំថ្លៃពលកម្មកប់ពពកមួយ។ គួរបញ្ជាក់ថា រដូវ កាល ២០២០/២១ Grealish រកបាន ៧ គ្រាប់និង Assist ១២ លើកនៅការបង្ហាញខ្លួន ២២ ប្រកួតឲ្យក្លឹប Aston Villa៕
ប្រភព៖ Sportsmole