ក្រុមបិសាចក្រហម Manchester United លេងបានត្រឹមស្មើជាមួយក្រុម Everton ក្នុងលទ្ធផល ៣-៣ ប៉ុណ្ណោះសម្រាប់ការប្រកួតពានរង្វាន់ English Premier League នៅយប់មិញនេះ។
ក្រុមរបស់លោក Ole ពិតជាធ្វើបានល្អមែនទែនសម្រាប់តង់ទី១ ដោយរកបាន២គ្រាប់ពីសំណាក់ខ្សែប្រយុទ្ធ Cavani និង Bruno ។ តែចូលដល់តង់ទី២វិញ ក្រុម Everton រកបាន២គ្រាប់តាមស្មើវិញ ដោយ Doucoure រកគ្រាប់១និង Rodriguez រកបាន១គ្រាប់។ ឈានចូលដល់នាទី៧០ Mctominay ក៏រកគ្រាប់បាល់នាំមុខជាថ្មីទៀតឱ្យក្រុមបិសាចក្រហម មុនពេល Calvert-Lewin រកគ្រាប់បាល់តាមស្មើជាថ្មីនៅនាទី៩០+៥ មុនចប់ការប្រកួតតែម្ដង។
លទ្ធផលចែកគ្នាម្នាក់១ពិន្ទុនេះ បានធ្វើឱ្យក្រុម Man Utd រក្សាចំណាត់ថ្នាក់លេខ២ដដែល តែប្រសិនបើក្រុម Man City ទទួលបានជ័យជម្នះ នោះគម្លាតពិន្ទុនឹងកាន់តែខ្ពស់ថែមទៀតហើយ៕
ប្រភព៖ DailyMail