លោក Ole Gunnar Solskjaer នឹងដឹកនាំក្រុមបិសាចក្រហម Manchester United តទល់ជាមួយក្រុម Everton សម្រាប់ការប្រកួតពានរង្វាន់ English Premier League ។
ដោយប្រកួតនៅយប់នេះដែរ ជាប្រកួតទី១០០ហើយសម្រាប់លោក Ole ក្នុងការដឹកនាំក្រុម Man Utd។ ខណៈដែលរដូវកាលនេះ គេសង្កេតឃើញថាក្រុមលេងបានល្អនិងកំពុងឈរនៅចំណាត់ថ្នាក់លេខ២ក្នុងតារាង Premier League ផងដែរ ប្រជែងជាមួយ Man City ។
មុនការប្រកួតនេះចាប់ផ្ដើម លោក Ole បានបង្ហាញចំណាប់អារម្មណ៍ថា៖ “ខ្ញុំមិនបានចាំទេថាជាប្រកួតទី១០០របស់ខ្ញុំ។ ខ្ញុំសប្បាយចិត្តក្នុងការដឹកនាំក្រុម។ មួយរយៈមកនេះ ខ្ញុំបានរៀនសូត្រច្រើន មានភាពចាស់ទុំជាងមុន និងដឹងរឿងគ្រប់យ៉ាងច្រើនក្នុងការដឹកនាំក្រុមប្រកួត”៕
ប្រភព៖ DailyMail