ខ្សែប្រយុទ្ធ Cristiano Ronaldo បានធ្វើខួបកំណើតវ័យ៣៦ឆ្នាំរបស់ខ្លួនយ៉ាងសាមញ្ញបំផុត ជួបជុំគ្រួសារនៅផ្ទះ និងបានបង្ហោះសារផ្ញើឱ្យអ្នកគាំទ្ររំជួលចិត្តផងដែរ។
ដោយមុននេះ Ronaldo បាននិយាយថា២០ឆ្នាំក្នុងអាជីពបាល់ទាត់របស់ខ្លួន ពិតជាមានន័យនិងបានជួបរឿងរ៉ាវជាច្រើនតាំងពីផ្លាស់មកចូល Man Utd បន្ទាប់មក Real Madrid និងបច្ចុប្បន្ននេះលេងឱ្យក្រុម Juventus ទៀត។ រយៈពេលដ៏យូរនេះ មានការចង់ចាំជាច្រើនដែលកើតឡើង ហើយរូបគេក៏ពេញចិត្តអាជីពមួយនេះខ្លាំងផងដែរ។
ទន្ទឹមគ្នានេះ Ronaldo ក៏បានប្រាប់ទៅអ្នកគាំទ្រ ដោយសុំទោសផងដែរថាខ្លួនមិនអាចធានាការលេង២០ឆ្នាំបន្ដទៀតបានទេ។ តែអ្វីដែលខ្លួនអាចនិយាយបាននោះ គឺឱ្យតែអាចលេងបាននឹងលេងអស់ពីសមត្ថភាពប្រឹងប្រែងរហូតមិនឱ្យគ្រប់គ្នាអស់សង្ឃឹមឡើយ។ សារសុំទោសនេះ បានសបញ្ជាក់ច្បាស់ Ronaldo កាន់តែកៀកមែនទែនហើយក្នុងការចូលនិវត្តន៍ពីបាល់ទាត់៕
ប្រភព៖ Goal