ណាហ្គាវើល ដណ្តើមកៅអីកំពូលតារាងបានសម្រេច ធ្វើឱ្យបឹងកេតកាន់តែពិបាក

១១ថ្ងៃដែលក្រុមទាំងពីរជួបគ្នា ក្នុងពានរង្វាន់ពីរផ្សេងគ្នា ឃើញថាណាហ្គាវើល បានធ្វើឱ្យបឹងកេត ជួបរឿងជូរចត់មិនអាចបំភ្លេចបាន ពោលគឺនៅក្នុងពានរង្វាន់សម្តេចតេជោ ហ៊ុនសែន ២០១៨ និងលីគកំពូលកម្ពុជា។

នៅក្នុងវគ្គ៨ក្រុមចុងក្រោយនៅ Hun Sen Cup ណាហ្គាវើល បានទម្លាក់បឹងកេតដោយបាល់កាត់សេចក្តី ១១ម៉ែត្រ ( ៣-២ ) ហើយបានយកឈ្នះ ២-០ ក្នុងសប្តាហ៍ទី ១៨ នៅក្នុងលីគកំពូលកម្ពុជា ជាហេតុធ្វើឱ្យកៅអីកំពូលតារាងរបស់បឹងកេត បានទៅក្រុមរបស់លោក មាស ចាន់ណា ។

ការប្រកួតលីគនៅសល់តែ ៤ប្រកួតទៀតប៉ុណ្ណោះសម្រាប់ក្រុមទាំងពីរ ខណៈដែលពួកគេនឹងត្រូវជួបក្រុមខ្លាំងរៀងខ្លួន ក្នុងប្រកួតនៅសល់ទាំងនោះ ដោយបឹងកេត​ ត្រូវប៉ះព្រះខ័នរាជស្វាយរៀង និង ភ្នំពេញក្រោន ស្របពេលដែលណាហ្គាវើល ត្រូវជួប ក្រសួងការពារជាតិ និង វិសាខា ។

ចាំមើលថាតើស្ថានភាពកំពូលតារាងនឹងទៅជាយ៉ាងណាសម្រាប់ប្រកួតនៅសល់ ពេលរដូវកាល ២០១១៨បញ្ចប់ ៕

 

ភ្ជាប់ទំនាក់ទំនងជាមួយ CTS SPORT