ក្រុមហង្សក្រហម Liverpool នឹងមិនអាចធ្វើដំណើរទៅប្រទេសអាល្លឺម៉ង់បានទេ ដោយសារតែប្រទេសអង់គ្លេសនិងអាល្លឺម៉ង់នេះមិនទាន់បើកឱ្យមានការធ្វើដំណើរទៅមកនៅឡើយ។
ប្រទេសអាល្លឺម៉ង់បានចេញច្បាប់ហាមប្រជាជនពីបណ្ដាប្រទេសជាច្រើនមិនឱ្យចូលប្រទេសខ្លួន ដោយក្នុងនោះក៏មានអង់គ្លេសមួយផងដែរ។ ការដាក់បម្រាមនេះកើតឡើង ដោយសារតែអង់គ្លេស រកឃើញមានករណីផ្ទុះមេរោគកូវីដ១៩ប្រភេទថ្មី ដែលអាចឆ្លងលឿនជាងមុនផង។
បម្រាមនេះសបញ្ជាក់ថាក្រុម Liverpool របស់អង់គ្លេសនឹងមិនអាចហោះទៅអាល្លឺម៉ង់បានឡើយដើម្បីប្រកួតទល់ក្រុម RB Leipzig ក្នុងពានរង្វាន់ UEFA Champions League នាថ្ងៃ១៧ខែកុម្ភៈឆ្នាំ២០២១ខាងមុខនេះ។ ដែលការប្រកួតនឹងត្រូវស្វែងរកកន្លែងផ្សេងធ្វើជាទឹកដីកណ្ដាលមិនខាន ខណៈដែលខាង UEFA មិនទាន់ប្រកាសថាត្រូវលេងនៅឯណាទេ៕
ប្រភព៖ DailyMail