ក្រុម Spurs បានបរាជ័យក្នុងដីខ្លួនឯង ក្រោមថ្វីជើងរបស់ក្រុម Chelsea ក្នុងលទ្ធផល ១-០ សម្រាប់ការប្រកួតពានរង្វាន់ English Premier league នាយប់មិញនេះ។
១គ្រាប់ជ័យជម្នះរបស់ក្រុមតោខៀវ ធ្វើបានសម្រេចដោយការទាត់ប៉េណាល់ទីរបស់កីឡាករ Jorginho នៅនាទី២៣ ពាក់កណ្ដាលតង់ទី១។ ដោយក្រោយពីកើតមាន១គ្រាប់នេះហើយ ក្រុមទាំងពីរមិនអាចធ្វើអ្វីគ្នាទៀតទេ ដោយរក្សាលទ្ធផល ១ -០ នេះរហូតដល់ចប់ការប្រកួតតែម្ដង។
នេះជាការប្រកួតទី៣ហើយនិងជាជ័យជម្នះ២ប្រកួតជាប់គ្នារបស់លោក Thomas Tuchel គ្រូបង្វឹកថ្មីរបស់ក្រុម Chelsea ផងដែរ។ ដោយឡែកសម្រាប់លោក Jose Mourinho វិញ ដែលបរាជ័យផ្ទួនៗគ្នានោះ បាននិយាយក្រោយចប់ការប្រកួតថាលោកមិនសប្បាយចិត្តជាមួយការសម្រេចរបស់អាជ្ញាកណ្ដាលកាត់សេចក្ដីនោះទេ។ ការផ្ដល់បាល់ប៉េណាល់ទីនោះមិនត្រឹមត្រូវឡើយ ព្រោះខ្សែការពារ Spurs មិនបានបង្កកំហុសឡើយ៕
ប្រភព៖ DailyMail