លោក Lopetegui អ្នកចាត់ការក្រុម Real Madrid បានបង្ហើបពីគម្រោងទៅប្រធានក្លឹប Real Madid ដើម្បីទិញយកខ្សែប្រយុទ្ធលេខ៩ម្នាក់មកពង្រឹងក្រុមឡើងវិញ។
ក្រោយបរាជ័យក្រោមថ្វីជើង Atletico Madrid ៤-២ ក្នុងពានរង្វាន់ UEFA Super Cup មក ក្លឹប Real Madrid ចាប់ផ្ដើមរិះរកមធ្យោបាយថ្មីដើម្បីពង្រឹងក្រុម ដោយអាចនឹងទិញកីឡាករថ្មីមកបន្ថែម។ ជាមួយគ្នានេះ លោក Lopetegui អាចនឹងយកខ្សែប្រយុទ្ធលេខ៩ម្នាក់មកលេងនៅតំបន់ខាងលើ ដើម្បីស្វែងរកគ្រាប់បាល់ឱ្យបានច្រើន។
ទន្ទឹមនឹងអ្នកចាត់ការចង់បានខ្សែប្រយុទ្ធនេះដែរ អ្នកគាំទ្រក្រុមអធិរាជសកាលពីម្សិលមិញនេះបាននាំគ្នាបោះឆ្នោតហើយថាពួកគេចង់បាន Icardi កីឡាកររកគ្រាប់បាល់បានច្រើនជាងគេនៅអ៊ីតាលីមករួមក្រុម៕ប្រភព៖ MARCA
