Angel di Maria មានសង្ឃឹមខ្ពស់ថាក្រុម PSG នឹងអាចយកខ្សែប្រយុទ្ធ Lionel Messi មករួមក្រុមបាន នោះរដូវក្ដៅខាងមុខនេះជាឱកាសធំហើយ។
Messi នៅមិនទាន់មានការចុះកុងត្រាថ្មីជាមួយក្រុម FC Barcelona នោះទេ ខណៈដែលកុងត្រាចាស់របស់គេនោះនឹងផុតកំណត់នៅត្រឹមចប់រដូវកាលនេះហើយ។ ដោយសារតែអស់កុងត្រាត្រឹមនេះ ទើបបានជាមានក្លឹបជាច្រើនកំពុងទាក់ទងនាំយកខ្សែប្រយុទ្ធខាងលើទៅរួមក្រុម ដោយក្នុងនោះ PSG កំពុងស្ថិតនៅលេខរៀងទី១តែម្ដង។
Di Maria កីឡាករអាហ្សង់ទីននិងជាមិត្តរួមសញ្ជាតិ Messi បាននិយាយថា៖ “ខ្ញុំសង្ឃឹមថាគាត់នឹងមកទីនេះ។ មានឱកាសធំណាស់ដែល Messi នឹងមកចូលរួមជាមួយ PSG ។ យើងត្រូវរក្សាភាពស្ងប់ស្ងាត់ និងទុកឱ្យរឿងរ៉ាវទាំងអស់ទៅមុខដោយខ្លួនឯង”៕ប្រភព Marca