• Moyes ​ជា​បេក្ខភាព​នាំ​មុខ​គេ ​អាច​ដឹក​នាំ​ជម្រើស​ជាតិ​អាមេរិក

    David Moyes ​ជា​បេក្ខភាព​ខ្ពស់​ជាង​គេ ​ក្នុង​ការ​ចូល​ខ្លួន​ជា​គ្រូ​បង្វឹក​ថ្មី​សម្រាប់​ក្រុម​បាល់ទាត់​ជម្រើស​ជាតិ​អាមេរិក ក្រោយ​ពី​ចាកចេញ​ពី West Ham ​នៅ​ចប់​រដូវ​កាល​មុន។

    សហព័ន្ធ​បាល់ទាត់​របស់​អាមេរិក ​កំពុង​ស្វែង​រក​គ្រូ​បង្វឹក​ថ្មី ក្រោយ​ពី​បណ្ដេញ​លោក Bruce Arena ចេញ​ពី​តំណែង ​ក្រោយ​គ្រូ​បង្វឹក​រូប​នេះ​មិន​អាច​នាំ​អាមេរិក​ទៅ​លេង​នៅ World Cup 2018 ​បាន។ ក្រោយ​ពី​ការ​ចេញ​ទៅ​របស់ Bruce ​នេះ​ដែរ ​អាមេរិក​មិន​ទាន់​រក​ឃើញ​អ្នក​ចាត់ការ​នៅ​ឡើយ​ទេ ​ដោយ​ពេល​នេះ​កំពុង​តែ​ស្វែង​រក ​ហើយ​លោក Moyes ​ជា​បេក្ខភាព​នាំ​មុខ​គេ​ក្នុង​ការ​មក​ដឹក​នាំ​នេះ។

    ត្បិត​តែ​យ៉ាង​នេះ​ក្ដី លោក Earnie Stewart ​អ្នក​ចាត់ការ​ក្រុម​ជម្រើស​ជាតិ​អាមេរិក ​បាន​បញ្ជាក់​ថា​នឹង​ប្រើ​ពេល​ច្រើន​ទៀត ក្នុង​ការ​ស្វែង​រក​គ្រូ​បង្វឹក​ថ្មី​នេះ ​ដើម្បី​ឱ្យ​សក្ដិសម​បំផុត​សម្រាប់​ក្រុម​ទាំង​មូល ​និង​អាច​នាំ​ជម្រើស​ជាតិ​ឱ្យ​ខ្លាំង​ឡើង​វិញ​បាន៕ប្រភព៖ DailyMail

     

     

     

     

    ភ្ជាប់ទំនាក់ទំនងជាមួយ CTS SPORT