លោក Pep បានបញ្ជាក់ថាខ្សែប្រយុទ្ធ Sergio Aguero បានជាសះស្បើយពីមេរោគកូវីដ១៩ហើយ ប៉ុន្តែមិនទាន់អាចជួយក្រុមបានទេ ដោយសារតែរូបគេត្រូវការពេលហ្វឹកហាត់ទៀតសិន។
Aguero រដូវកាលនេះ បន្ទាប់ពីមានបញ្ហារបួសច្រើនហើយ រូបគេមានរឿងពាក់ព័ន្ធជាមួយមេរោគកូវីដ១៩ថែមទៀត ដែលធ្វើឱ្យរូបគេខកខានការប្រកួតឱ្យក្រុម Man City ជាច្រើន។ រឿងចុងក្រោយនេះដែលធ្វើឱ្យខកខានមិនអាចលេង គឺឆ្លងមេរោគកូវីដ១៩ ហើយពេលនេះបានជាសះស្បើយវិញហើយ តែក៏មិនអាចទាន់ចូលលេងដែរ។
លោក Pep អះអាងថាការមិនទាន់អាចចូលលេងបាននេះ ដោយសារតែរូបគេទើបតែជាសះស្បើយ និងធ្វើតេស្ដអវិជ្ជមាន ដូច្នេះត្រូវការពេលវេលាបន្ថែមទៀតសិន។ លោក រំពឹងថា២សប្ដាហ៍អីទៀត ខ្សែប្រយុទ្ធអាហ្សង់ទីនរូបនេះ អាចនឹងបង្ហាញខ្លួនលើទីលានជួយក្រុមបានពេញលេញវិញហើយ៕
ប្រភព៖ Marca