ខ្សែប្រយុទ្ធ Neymar មានគម្រោងបន្ដកុងត្រាជាមួយក្រុម PSG ឱ្យបាន៤ឆ្នាំបន្ថែមទៀត បន្ទាប់ពីបង្ហាញជាសាធារណៈថារូបគេចង់លេងនៅបារាំងណាស់។
Neymar ធ្លាប់មានដំណឹងថាចង់ចេញពី PSG ណាស់ ដោយកាលនោះចង់ទៅលេងឱ្យក្រុម FC Barcelona វិញ។ តែចុងក្រោយមកនេះ រូបគេបែរជាប្ដូរចិត្តខ្លាំងមែនទែន ដោយនិយាយសរសើរនិងចង់បន្ដលេងឱ្យក្រុម PSG ទៀត ដោយមិនចង់ចាកចេញនោះទេ។ ខណៈដែលការនិយាយបែបនេះកើតឡើង ក្រោយពីក្រុម PSG ក៏មានគម្រោងក្នុងការបន្ដកុងត្រាដល់រូបគេផងដែរ។
ប្រភពនៅបារាំងបានអះអាងថា Neymar ត្រៀមបន្ដកុងត្រាថ្មីទៀតហើយ ដោយកុងត្រានោះមានរយៈពេលដល់ទៅ៤ឆ្នាំឯណោះ។ នេះមានន័យថារូបគេអាចនៅលេងក្នុងលីគបារាំង ដល់អាយុ៣០ឆ្នាំជាងតែម្ដង៕ប្រភព Goal