លោក Jurgen Klopp បានបញ្ជាក់ថាខ្សែការពារ Van Dijk ទំនងជាមិនអាចជាសះស្បើយចូលលេងឱ្យក្រុម Liverpool បានទេនារដូវកាលនេះ បើទោះជាឃើញថាធូរស្បើយច្រើនក៏ដោយ។
Van Dijk បានវះកាត់ជង្គង់របស់ខ្លួន ក្រោយពីការប្រកួតទល់ក្រុម Everton កន្លងមក។ របួសនេះ ត្រូវការពេលច្រើនមែនទែនដើម្បីជាសះស្បើយ ដោយអាចទំនងជាមិនអាចចូលលេងវិញទេនារដូវកាលនេះ។ យ៉ាងណាមិញ មួយរយៈចុងក្រោយនេះ ឃើញថាខ្សែការពារហុល្លង់ហាក់ដូចជាធូរស្បើយច្រើនមែនទែន ដោយអាចហាត់បានតិចៗវិញហើយ។
ត្បិតតែឃើញដំណឹងល្អយ៉ាងនេះមែន ប៉ុន្តែលោក Klopp ជឿជាក់ថានេះជាជំហានមួយប៉ុណ្ណោះ ក្នុងចំណោមជំហានជាច្រើនទៀតដែលរូបគេអាចចូលលេងបាន។ ការវះកាត់ជង្គង់នេះត្រូវការពេលច្រើនមែនទែន ទើបអាចត្រលប់ចូលទីលាននិងធានាបានថាមិនប៉ះពាល់ឬរបួសម្ដងទៀតបាន។ លោកមិនរំពឹងខ្ពស់ទេ ថា Van Dijk អាចត្រលប់ជួយក្រុមទាន់នៅរដូវកាលនេះ៕ប្រភព Dailymail
