ក្លឹប Liverpool ដែលបានចុះហត្ថលេខាយកកីឡាករជប៉ុន Takumi Minamino កាលពី ១២ ខែមុន ក៏សម្រេចផ្ទេរគេចេញនៅលក្ខខណ្ឌខ្ចីជើងឲ្យទៅក្លឹប Southampton នាទីផ្សារដោះដូរថ្ងៃចុងក្រោយ។
ពាក់ព័ន្ធនឹងមូលហេតុនេះ លោក Jurgen Klopp ដែលជាអ្នកចាត់ការថាដោយសារ Minamino ជាកីឡាករដែលក្លឹបទុកប្រើប្រាស់លើផែនការណ៍រយៈពេលយូរ ហើយពេលនេះគេត្រូវការពេលវេលាលេងជាចាំបាច់។
អ្នកចាត់ការសញ្ជាតិអាល្លឺម៉ង់និយាយ៖ “ជាការពិតណាស់នេះគឺជាឱកាសតែមួយគត់ ដែលយើងអាចផ្តល់ឲ្យគេ នោះផ្ទេរគេទៅក្លឹបដទៃសិន ព្រោះ Takumi ជាកីឡាករដ៏អស្ចារ្យមួយរូប តែយើងមិនអាចផ្តល់ពេលវេលាសម្រាប់គេគ្រប់គ្រាន់បាន”។
លោកបន្ថែមទៀតថា៖ “ណាមួយបញ្ហាដែលយើងត្រូវដោះស្រាយពេលនេះគឺនៅតំបន់ការពារ អ៊ីចឹងយើងអាចឲ្យ Takumi មកជួយដោយរបៀបណា ណាមួយ Southampton ជាក្រុមដែលសក្តិសមនឹងយកគេទៅចូលរួមបាន”៕
ប្រភព៖ Metro