ក្រុមបិសាចក្រហម Man Utd បានយកឈ្នះទៅលើ Southampton ៩-០ ហើយជាការបញ្ចប់ពីសំណាក់កីឡាករ Aaron Wan-Bissaka, Marcus Rashford, Edinson Cavani, Scott McTominay, Bruno Fernandes, Daniel James, Anthony Martial (២ គ្រាប់) និង Own Goal របស់ Jan Bednarek។
ជាមួយជ័យជម្នះនេះ ក្រុមដឹកនាំដោយលោក Ole Gunnar Solskjaer បានបង្កើតកំណត់ត្រាជាច្រើន តែយើងសូមធ្វើការសម្រង់យកកំណត់ត្រាមួយមកបង្ហាញដែលជារឿងរ៉ាវចាស់ Chelsea ធ្លាប់ធ្វើបានកាលពី ៩ ឆ្នាំមុន។
នោះគឺ United កាលពីយប់មិញ មានកីឡាករបញ្ចប់ទី ៧ រូបផ្សេងពីគ្នា ហើយវាជាលើកទី ២ នៅប្រវត្តិសាស្រ្ត Premier League ដោយកាលពីខែធ្នូ ឆ្នាំ ២០១២ ក៏ធ្លាប់កើតមានដែរ កំឡុងពេល Chelsea យកឈ្នះ Aston Villa ៨-០។
ក្រៅពីនេះពួកគេក៏បង្កើតប្រវត្តិសាស្រ្តលើកទី ៣ សម្រាប់ Premier League នាមជាក្រុមឈ្នះការប្រកួតច្រើនជាង ៩ គ្រាប់ ដោយកន្លងមក Man Utd ធ្លាប់ធ្វើបានដែរកាលពីឆ្នាំ ១៩៩៥ ពេលប៉ះ Ipswich Town ហើយឆ្នាំ ២០១៩ Southampton ផ្ទាល់យកឈ្នះ Leicester City និងចុងក្រោយនេះគឺ Man Utd យកឈ្នះ Southampton ម្តងវិញ៕
ប្រភព៖ Opta