Tottenham ធ្លាប់បានយកឈ្នះទៅលើ Wigan ៩-១ ស្របពេល Newcastle យកឈ្នះ Sheffield Wendesday ៨-០ ហើយ Chelsea ក៏ធ្លាប់ធ្វើបានដល់លទ្ធផលបែបនេះ ទល់ Aston Villa និង Wigan កាលពីអតីតកាល។
ប៉ុន្តែបើក្រឡេកមកក្រុមដែលអាចយកឈ្នះ ៩ គ្រាប់ដាច់ គឺមានតែ ២ គត់ក្នុងប្រវត្តិសាស្រ្តបាល់ទាត់ Premier League ហើយក្រុម Man Utd ធ្វើបានដល់ទៅ ២ លើក រាប់ទាំងជ័យជម្នះកាលពីយប់មិញ។
ក្នុងនោះរួមមានដូចជា៖
Man Utd យកឈ្នះទៅលើ Ipswich ៩-០ កាលពីឆ្នាំ ១៩៩៥
Leicester City យកឈ្នះទៅលើ Southampton ៩-០ កាលពីឆ្នាំ ២០១៩
Man Utd យកឈ្នះទៅលើ Southampton ៩-០ នៅឆ្នាំ ២០២១
បញ្ជាក់ថា នៅរដូវកាល ២០២០/២១ នៅក្របខ័ណ្ឌ Premier League បានកើតមានរឿងចៃដន្យមួយ នោះគឺឲ្យតែជុំណាដែល United របូតនិងរកបាន ៦ គ្រាប់ ក៏ជាថ្ងៃដែល Liverpool របូតនិងរកបាន ៧ គ្រាប់ដូចគ្នា។
ជាក់ស្ដែងដូចជានៅជុំទី ៤ ពេល United ចាញ់ Spurs ៦-១ ទៅមើល Liverpool ក៏ចាញ់ Aston Villa ស្ពឹកមុខ ៧-២ ហើយនៅជុំទី ១៤ ពេល United យកឈ្នះ Leeds ៦-២ ក្រុម Liverpool ក៏បានយកឈ្នះ Crystal Palace ៧-០ ហើយនៅជុំទី ២២ នេះ United យកឈ្នះ ៩-០ ទៅលើ Southampton ចុះសម្រាប់ Brighton ដែលត្រូវប៉ះ Liverpool យប់នេះវិញ នឹងទទួលលទ្ធផលបែបណា? កុំភ្លេចរង់ចាំទស្សនាទាំងអស់គ្នានៅលើទំព័រ CTS Sports!