នៅការប្រកួតជុំទី ២២ សម្រាប់ Man Utd ពួកគេធ្វើបានល្អក្រៃលែងតាមរយៈការយកឈ្នះទៅលើក្រុមភ្ញៀវ Southampton នៅលទ្ធផល ៩-០ ក្នុងកីឡដ្ឋាន Old Trafford។ ការយកបាន ៣ ពិន្ទុនាំឲ្យ United មាន ៤៤ ពិន្ទុស្មើ Man City ប៉ុន្តែមេឃខៀវនៅសល់ ២ ជុំក្នុងដៃ។
យើងបង្វែរទៅមើលការប្រកួត គឺមានការលេង ១១ ទល់ ១០ នាក់តាំងពីនាទីទី ២ ក្រោយខ្សែបម្រើកណ្តាលរបស់ Southampton រងពិន័យកាតក្រហម ហើយគ្រាប់បាល់បានកើតមានជាបន្តបន្ទាប់ ផ្តើមពីនាទីទី ១៨ ដោយ Aaron Wan-Bissaka, Marcus Rashford, Own Goal ដោយ Jan Bednarek និង Edinson Cavani រកបានគ្រាប់បាល់ទី ៤។
លុះមកដល់តង់ទីពីរ United បន្ថែម ៥ គ្រាប់ទៀត ដោយការរកគ្រាប់បាល់របស់ Anthony Martial ២ គ្រាប់ម្នាក់ឯង លាយឡំនឹង Scott McTominay, Bruno Fernandes និង Daniel James (ស៊ុត ១១ ម៉ែត្រ)។ ប៉ុន្តែនៅនាទី ៨៨ ក៏ Southampton រងពិន័យកាតក្រហមមួយសន្លឹកទៀតដែរ នោះគឺកីឡាករធ្វើឲ្យមានបាល់ Own Goal ជាអ្នកដើរចេញពីទីលាន៕
ទស្សនាវីដេអូខាងក្រោម៖