ក្រុម Everton បានសម្រេចទិញយកខ្សែប្រយុទ្ធ Joshua King ពីក្រុម Bournemouth មករួមក្រុមហើយ ក្នុងតម្លៃខ្លួន៥លានផោន។
កីឡាករវ័យ២៩ឆ្នាំខាងលើនេះ មានក្លឹបនៅ Premier League ២ទៀតចង់បានគឺ Fulham និង Southampton ប៉ុន្តែចុងក្រោយរូបគេបែរជាសម្រេចចិត្តមកលេងជាមួយក្រុមលោក Carlo Ancelotti វិញ។ King ជាកីឡាករឆ្នើមម្នាក់របស់ក្រុម Bournemouth ដែលជួយក្រុមបានច្រើនមែនទែនក្នុងការប្រកួតលីគលំដាប់ទី២ Championship ។
រំលឹកថាខ្សែប្រយុទ្ធវ័យ២៩ឆ្នាំខាងលើនេះ កាលពីរដូវកាលដោះដូរដើមរដូវកាលកន្លងទៅ ក្រុមបិសាចក្រហម Manchester United ក៏បានទាក់ទងទិញរូបគេផងដែរ ដោយគ្រានោះដាក់តម្លៃដល់២០លានផោនឯណោះ តែ Bournemouth មិនព្រមលក់។ ចុងក្រោយបែរជាព្រមលក់ឱ្យក្រុម Everton ក្នុងតម្លៃខ្លួន៥លានផោនទៅវិញ៕
ប្រភព៖ DailyMail