អ្នកចាត់ការថ្មីរបស់ក្លឹប Paris Saint-Germain គឺលោក Mauricio Pochettino បានបង្ហើបពីគោលបំណងដែលចង់ដឹកនាំ Lionel Messi នៅថ្ងៃខាងមុខ ប្រសិនក្លឹប PSG មានឱកាសអាចនាំយក M10 មកទីក្រុងប៉ារីសដោយជោគជ័យ។
បច្ចុប្បន្នកីឡាករអាហ្សង់ទីនសេសសល់កុងត្រាជាមួយក្លឹបយក្សអេស្ប៉ាញ Barcelona ដល់ចុងខែមិថុនា ឆ្នាំ ២០២១ ហើយតម្រុយក្លឹបថ្មី ២ គេអាចនឹងទៅចូលរួមមានដូចជា Paris Saint-Germain ឬ Manchester City។
យ៉ាងណាមិញតាមការលើកឡើងរបស់ Pochettino បានប្រាប់ RMC Sport ជុំវិញចចាមអារ៉ាមជាមួយខ្សែប្រយុទ្ធវ័យ ៣៣ ឆ្នាំបែបនេះថា៖ “ក្លឹបមានយុទ្ធសាស្រ្តដើម្បីធ្វើការពង្រឹង តែប្រសិនណាមានឱកាសដឹកនាំ Messi វាគឺជារឿងដ៏អស្ចារ្យ តែបើអត់ ក៏មិនជាបញ្ហាអ្វីដែរ”។
លោកបន្ថែម៖ “[Messi និងខ្ញុំ] បានចែករំលែកក្តីស្រលាញ់សម្រាប់ក្លឹបNewell’s ហើយយើងក៏ធ្លាប់ពាក់អាវក្រុមនោះដូចគ្នា តែយើងនឹងរង់ចាំមើល ដោយខ្ញុំមិនដឹងថានឹងមានរឿងអ្វីកើតឡើងទេនៅពេលអនាគត”៕
ប្រភព៖ Marca