ការប្រកួតពានរង្វាន់មិត្តភាពបើករដូវកាល FORWARD PRE-SEASON CUP 2021 ដែលការប្រកួតចាប់ផ្តើមនាថ្ងៃទី៥ ខែកុម្ភៈខាងមុខនេះ ខណៈកីឡាករខ្សែប្រយុទ្ធចំណូលថ្មី Matheus Souzaយល់ឃើញថាវាជាការត្រៀមខ្លួនដ៏ល្អសម្រាប់ការប្រកួតមែនទែនក្នុង Metfone Cambodian League 2021។
« ខ្ញុំគិតថាវាជាឱកាសមួយសម្រាប់យើងក្នុងការជួបជាមួយពួកគេ ដើម្បីត្រៀមខ្លួនបានល្អក្នុងការប្រកួត MCL ពួកយើងបានត្រៀមខ្លួនរួចរាល់ហើយ សម្រាប់ការប្រកួតនេះ » ។
កីឡាករសញ្ជាតិប្រេស៊ីលបន្តថា៖« ជាការពិតណាស់យើងត្រូវការត្រៀមខ្លួនក្នុងការលេងជាមួយក្រុមខ្លាំង ដើម្បីយើងដឹងពីការអភិវឌ្ឍន៍ខ្លួនរបស់យើង ខ្ញុំចូលចិត្តការប្រកួតប្រជែងជាមួយក្រុមខ្លាំងៗទាំងនោះផងដែរ » ។
សូមបញ្ជាក់ថាការប្រកួតនៅថ្ងៃទី៥ នាវេលាម៉ោង១៩:00 ខាងមុខនេះ ក្រុមសីង្ហក្រហមភ្នំពេញក្រោន នឹងត្រូវជួបប្រកួតជាមួយក្រុមអង្គរថាយហ្គឺរ នៅកីឡដ្ឋានព្រីនស៍ ៕