ខ្សែប្រយុទ្ធ Neymar បាននិយាយផ្ទាល់មាត់ថាខ្លួននឹងមិនចាកចេញពីក្រុម PSG ទេ ពោលគឺចង់បន្ដលេងនៅទីនេះទៀតតែម្ដង។
Neymar រកបាន២គ្រាប់ម្នាក់ឯងដោយបាល់ប៉េណាល់ទី ក្នុងការប្រកួតដែលក្រុម PSG លេងចាញ់ក្រុមក្បែរបាតតារាង Lorient ក្នុងលទ្ធផល ៣-២ នៅយប់មិញនេះ។ នេះជាការបរាជ័យលើកដំបូងរបស់ក្រុម PSG ក្រោមការដឹកនាំរបស់អ្នកចាត់ការ Mauricio Pochettino ហើយ។
ត្បិតតែមិនឈ្នះការប្រកួតនេះមែន ប៉ុន្តែ Neymar បានអះអាងថាខ្លួនពេញចិត្តក្នុងការលេងឱ្យក្រុម PSG នាពេលបច្ចុប្បន្ននេះ។ មួយវិញទៀត កីឡាករប្រេស៊ីលនេះក៏បញ្ជាក់អនាគតទៅមុខទៀតថានឹងមិនចាកចេញពីបារាំងឡើយ ហើយក៏សង្ឃឹមថាដៃគូប្រយុទ្ធ Kylian Mbappe ក៏ធ្វើបែបនេះដូចគ្នា ពោលគឺលេងឱ្យក្រុម PSG ឱ្យបានច្រើនឆ្នាំទៀត៕
ប្រភព៖ Marca