ខ្សែប្រយុទ្ធ Lionel Messi ស៊ុតបាល់ហ្វ្រីឃីកបញ្ចូលទីយ៉ាងស្អាត ជួយក្រុម FC Barcelona យកឈ្នះលើក្រុម Athletic Bilbao ក្នុងលទ្ធផល ២-១ នាការប្រកួតពានរង្វាន់ La Liga ។
១គ្រាប់របស់ Messi ខាងលើនេះកើតចេញនៅនាទី២០ ដោយការទាត់ហ្វ្រីឃីកកោងបញ្ចូលយ៉ាងស្អាតតែម្ដង។ តែនៅនាទី ៤៩ ក៏ស្រាប់តែ Jordi Alba ធ្វើឱ្យចូលទីខ្លួនឯងវិញឱ្យក្រុម Athletic Bilbao តាមស្មើបាន។ ការប្រកួតឈានដល់នាទី៧៤ ទើប Griezmann ស្វែងរកគ្រាប់បាល់ទី២បាន ដើម្បីឱ្យក្រុម Barcelona ទទួលបាន៣ពិន្ទុបន្ថែមទៀត។
ឆ្លងកាត់២០ប្រកួតមកនេះ ក្រុម Barcelona បានហក់ឡើងទៅលេខ២ក្នុងតារាង La Liga វិញហើយ ដោយទម្លាក់ក្រុម Real Madrid មកលេខ៣។ ស្របពេលក្រុមលេខ១ Atletico Madrid វិញ ឈរនៅកំពូលតារាងយ៉ាងមានសុវត្ថិភាព ដោយមានដល់៥០ពិន្ទុ និងសល់១ប្រកួតក្នុងដៃទៀត៕
ប្រភព៖ DailyMail