ខ្សែការពារ Sergio Ramos របស់ក្រុម Real Madrid ទំនងជាពេញចិត្តក្រុម Manchester United ជាង PSG បើសិនជារូបគេចាកចេញពីអេស្ប៉ាញនៅចប់រដូវកាលនេះ។
Ramos មិនអាចស្វែងរកឱកាសត្រូវគ្នាដើម្បីបន្ដកុងត្រាជាមួយក្រុម Real Madrid បានឡើយ។ ដូច្នេះហើយ ទើបមានក្លឹបជាច្រើននៅពេលនេះចាប់អារម្មណ៍លើរូបគេ ជាពិសេស PSG និង Man Utd តែម្ដង ដែលតាមទិញរូបគេតាំងពីរដូវកាលមុនមក។ តែប្រភពជាច្រើនមើលឃើញថាបើសិនជា Man Utd ហ៊ានផ្ដល់កុងត្រាវែងបន្តិច នោះកីឡាករអេស្ប៉ាញម្នាក់នេះនឹងមកលេងនៅអង់គ្លេសមិនខាន។
កីឡាករវ័យ៣៤ឆ្នាំខាងលើនេះ គឺជាគោលដៅធំសម្រាប់លោក Ole ដើម្បីនាំយកមកពង្រឹងតំបន់ការពាររបស់ខ្លួន។ ស្របពេល Ramos ផ្ទាល់ក៏ធ្លាប់និយាយថាចង់មកដកស្រង់បទពិសោធលេងនៅ Premier League ផងដែរ បើសិនជាមានឱកាសនិងពេលវេលាគ្រប់គ្រាន់៕
ប្រភព៖ DailyMail