ខ្សែបម្រើ Marco Verratti និងខ្សែការពារ Abdou Diallo របស់ក្លឹបបារាំង Paris Saint-Germain បានតេស្តឃើញមានផ្ទុកជំងឺ COVID-19។ នេះបើតាមការបញ្ជាក់ពីក្លឹបយក្សបារាំងនៅថ្ងៃសុក្រកន្លងទៅ។
បច្ចុប្បន្នទាំងពីរកំពុងដាក់ឲ្យនៅដាច់ដោយឡែកពីគេ និងរង់ចាំមើលលទ្ធផលតេស្តជាបន្តបន្ទាប់ទៀត។ នេះជាការតេស្តឃើញមួយផ្សេងទៀត ដែលនៅដើមខែមករាលោក Mauricio Pochettino ក្រោយឡើងកាន់តំណែងថ្មីថ្មោងក៏តេស្តឃើញមានផ្ទុកជំងឺ COVID-19 ផងដែរ នាំឲ្យលោកខកខានការឈរជើងនៅប្រកួតប៉ះ Angers និង Montpellier។
បញ្ជាក់ថា បច្ចុប្បន្ន PSGមាន ៤៥ ពិន្ទុនៅចាញ់ ១ ពិន្ទុធៀបនឹងក្រុមកំពូលតារាង Lyon ហើយសម្រាប់អ្នកទាំងពីរខាងលើអាចនឹងខកខានប្រកួតបន្តបន្ទាប់ ៣ មានដូចជាការប៉ះ Lorient, Nimes និង Marseille ដែលសុទ្ធសឹងជាជំនួបនៅក្របខ័ណ្ឌ Ligue 1៕
ប្រភព៖ AF