ខ្សែប្រយុទ្ធ Zlatan Ibrahimovic និង Lukaku ត្រូវបានសហព័ន្ធបាល់ទាត់អ៊ីតាលីសម្រេចពិន័យម្នាក់១ប្រកួត ចំពោះការប៉ះទង្គិចគ្នាលើទីលានកន្លងទៅនេះ។
ក្នុងការប្រកួតរវាងក្រុម Inter Milan និង AC Milan កាលពីពេលកន្លងទៅនេះ មានការប៉ះទង្គិចគ្នាខ្លាំងមែនទែន រវាងកីឡាករ Zlatan និង Lukaku ដោយប្រើភាសាមិនល្អឡើយ។ ជាលទ្ធផលក្រោយពីស្រាវជ្រាវមក អតីតកីឡាករ Man Utd ទាំងពីររូបនេះ ត្រូវបានពិន័យម្នាក់១ប្រកួតតែម្ដង។
ដោយ Lukaku នឹងខកខានសម្រាប់ប្រកួតទល់ក្រុម Juventus នៅវគ្គពាក់កណ្ដាលផ្ដាច់ព្រ័ត្រពានរង្វាន់ Coppa Italia នាដើមសប្ដាហ៍ក្រោយ ស្របពេល Zlatan វិញនឹងខកខានសម្រាប់ការប្រកួតក្នុងពានរង្វាន់នេះដូចគ្នា នៅរដូវកាលក្រោយប្រសិនបើរូបគេបន្ដលេងនៅអ៊ីតាលីទៀត៕
ប្រភព៖ Marca