ក្រុមហង្សក្រហម Liverpool ចង់ខ្ចីជើងខ្សែការពារម្នាក់ពីក្រុម New York Red Bulls ឈ្មោះថា Aaron Long ដើម្បីមកជួយរហូតដល់ចប់រដូវកាលនេះ។
ហង្សក្រហម Liverpool តាំងពីបើករដូវកាលមក មានកីឡាកររបួសជាប់ជានិច្ច ដែលធ្វើឱ្យក្រុមរបូតគ្រាប់បាល់សឹងគ្រប់ការប្រកួត។ កត្ដានេះហើយ ទើបបានជាលោក Klopp កំពុងតែស្វែងរកកីឡាករមកជួយក្រុមហើយ ដោយក្នុងនោះមើលកីឡាករម្នាក់នៅលីគអាមេរិកឯណោះ។
Aaron Long នេះ ត្រូវបានក្លឹប West Ham ចង់បានផងដែរ។ រូបគេលេងក្នុងលីគបាន១២០ប្រកួត និងធ្លាប់ជាប់ឈ្មោះជាខ្សែការពារល្អប្រចាំឆ្នាំនៅឆ្នាំ២០១៨ផងដែរ។ ខ្សែការពារវ័យ២៨ឆ្នាំនេះ កំពុងហ្វឹកហាត់នៅក្រុមជម្រើសជាតិអាមេរិកផងដែរ៕
ប្រភព៖ DailyMail