តាមរបាយការណ៍ពី El Chiringuito បានចុះផ្សាយថា ក្លឹប Real Madrid បានសម្រេចបោះបង់ការខិតខំរបស់ខ្លួនក្នុងការបញ្ចុះបញ្ចូល Sergio Ramos អំពីការបន្តកុងត្រាថ្មីត្រឹមប៉ុណ្ណេះហើយ ក្រោយពីកីឡាករអេស្ប៉ាញបដិសេធម្តងហើយម្តងទៀត។
កុងត្រារបស់ខ្សែការពារកណ្តាលកាន់ឆ្នាំរូបនេះ ត្រូវផុតនៅចុងខែមិថុនា ឆ្នាំ ២០២១ ហើយក្លឹបក៏ព្យាយាមអូសទាញគេឲ្យនៅបន្តដែរ តែតាមរយៈការចរចាទំនងជាមិនអាចទៅរួចទាល់តែសោះ។
Real បានផ្តល់ជម្រើស ២ សម្រាប់ Ramos ដោយ ១ គឺបន្ថែមកុងត្រារយៈពេល ១ ឆ្នាំលើកុងត្រាចាស់ជាមួយថ្លៃពលកម្មដដែល ហើយទី ២ គឺកុងត្រារយៈពេល ២ ឆ្នាំ ជាមួយថ្លៃពលកម្មកាត់បន្ថយ ១០ ភាគរយ។
ប្រសិនណាសម្រេចមិនបន្ត នោះ Ramos នឹងក្លាយជាកីឡាករឥតតម្លៃខ្លួននៅថ្ងៃទី ៣០ មិថុនា ឆ្នាំ ២០២១ ហើយអាចធ្វើការជ្រើសរើសរវាងក្លឹប Paris Saint-Germain, Man Utd, Tottenham និង Bayern Munich ជាដើម ដែលសុទ្ធសឹងតែចង់បានរូបគេ៕
ប្រភព៖ Goal