លោក Jose Mourinho បានដាក់បន្ទុកទៅលើតំបន់ការពាររបស់ខ្លួនថាលេងមិនយល់ចិត្តគ្នា ទើបធ្វើឱ្យក្រុម Liverpool មានឱកាសយកឈ្នះការប្រកួតបាន។
Spurs ក្នុងដីខ្លួនឯងបានលេងចាញ់ក្រុម Liverpool ក្នុងលទ្ធផលដល់ទៅ ៣-១ ឯណោះ។ ដោយលទ្ធផលចាញ់នេះបានធ្វើឱ្យលោក Jose Mourinho មិនពេញចិត្តជាខ្លាំង ជាពិសេសតំបន់ការពាររបស់ខ្លួនតែម្ដង។ ក្នុងនាមជាក្រុមលេងការពារល្អមួយ លោក Jose ថាសមាជិកក្រុមលេងមិនយល់ចិត្តគ្នាទេ ទើបធ្វើឱ្យមានចន្លោះប្រហោងច្រើនមែនទែន។
អ្នកចាត់ការខាងលើនេះបានបន្ថែមទៀតថា៖ “Rodon , Dier និង Lloris សុទ្ធតែលេងខុសតំបន់របស់ខ្លួន។ វាពិបាកណាស់នៅពេលយើងលេងខុសខ្លួនឯងបែបនេះ។ យើងលេងបែបនេះបាន លុះត្រាតែយើងនាំមុខ Liverpool បាន៤គ្រាប់អី ទើបអាចធ្វើបែបនេះបាន។ កំហុសតំបន់ការពារ តែងតែកើតមាន និងជាបញ្ហាធំដែលយើងត្រូវដោះស្រាយ”៕ប្រភព Dailymail
