ក្រុម West Ham បានឈានដល់កិច្ចព្រមព្រៀងដើម្បីខ្ចីជើងខ្សែប្រយុទ្ធ Jesse Lingard ពីក្រុម Manchester United ហើយរហូតដល់ចប់រដូវកាលនេះ។
ក្លឹបទាំងពីរបានយល់ព្រមលើសំណើរខាងលើនេះ ដោយ West Ham នឹងផ្ដល់ ១,៥លានផោនឱ្យទៅក្រុម Man Utd ហើយតម្លៃពលកម្មរបស់ខ្សែប្រយុទ្ធខាងលើវិញគឺ ៨០ ០០០ផោនក្នុង១សប្ដាហ៍។ បើទោះជាមិនទាន់ឈានដល់ការប្រកាសជាផ្លូវការមែន ប៉ុន្តែសាមីខ្លួន Lingard ក៏បានបង្ហោះរូបភាពរៀបចំឥវ៉ាន់ដើម្បីផ្ទេរចេញពីក្រុម Manchester ទៅទីក្រុងឡុងទៅហើយ។
កីឡាករអង់គ្លេសខាងលើនេះ ត្រូវបានក្រុម Man Utd ដាក់ឱ្យគេទិញយកឬខ្ចីជើងបានតាំងពីដើមខែមករាឆ្នាំ២០២១នេះមកហើយ។ មានក្រុមជាច្រើនបានបង្ហាញចំណាប់អារម្មណ៍ដែរ ប៉ុន្ដែមិនអាចប្រជែងជាមួយ West Ham ក្រោមការដឹកនាំរបស់លោក David Moyes បានទេ៕ប្រភព Dailymail
