ក្រុមវិសាខា ក្រុមភ្នំពេញក្រោន ក្រុមព្រះខ័នរាជស្វាយរៀង និងក្រុមអង្គរថាយហ្គឺរ នឹងរួមគ្នាចូលរួមប្រកួតក្នុងពានរង្វាន់បើករដូវកាល Forward Pre-Season Cup ២០២១។
តាមការគ្រោងទុកពានរង្វាន់នេះនឹងធ្វើឡើងចាប់ពីថ្ងៃទី៥ ដល់ថ្ងៃទី៧ ខែកុម្ភៈ ឆ្នាំ២០២១ នៅកីឡដ្ឋាន ព្រីនស៍ ដែលជាទឹកដីរបស់ក្លឹបបាល់ទាត់វិសាខា ។ មុនរដូវកាល២០២១មកដល់ក្លិបស្ទើតែទាំងអស់ក្នុងលីគកំពូលកម្ពុជាចាប់ផ្ដើមមមារញឹករៀបចំក្រុមរបស់ខ្លួន ដោយការលេងមិត្តភាព នាំចូលកីឡាករថ្មី និងហ្វឹកហាត់ខ្លាំងក្លាដើម្បីលទ្ធផលល្អដែលពួកគេចង់បាន។
មុនចាប់ផ្ដើមរដូវកាលថ្មីនេះ ពានរង្វាន់បើករដូវកាលកើតឡើង៣ព្រឹត្តិការណ៍ផ្សេងគ្នាដែលមានដូចជា SRU Super Cup ដែលលេងនៅកីឡដ្ឋាន SRU Stadium ទើបនឹងប្រកួតចប់កាលពីប៉ុន្មានថ្ងៃមុន ពានរង្វាន់ Cambodia Airway Pre-season Cup 2021 នៅកីឡដ្ឋានរបស់ក្លិបបឹងកេតដែលលេងចាប់ពីថ្ងៃទី៣០មករានេះតទៅ និងចុងក្រោយបំផុតពាន Forward Pre-Season Cup ដូចបានបង្ហាញខាងលើ៕