ក្លឹប West Ham មានបំណងចង់បន្ដកុងត្រាឱ្យលោក David Moyes រយៈពេលវែងបន្ថែមទៀត ក្រោយពីលោកដឹកនាំក្រុមបានយ៉ាងល្អនារដូវកាលនេះ។
ញញួរធំ West Ham បានយកឈ្នះលើក្រុម Crystal Palace ក្នុងលទ្ធផល ៣-២ ធ្វើឱ្យពួកគេហក់ចូលដល់តំបន់ Top4 ហើយ។ ខណៈដែលលទ្ធផលប៉ុន្មានប្រកួតចុងក្រោយនេះ សុទ្ធតែទទួលបានជ័យជម្នះថែមទៀត ធ្វើឱ្យថ្នាក់ដឹកនាំក្រុមមួយនេះសប្បាយចិត្តជាមួយទម្រង់លេងរបស់ក្រុមជាខ្លាំង។
ស្របពេលកុងត្រាចាស់របស់ Moyes នៅសល់ត្រឹមចប់រដូវកាលនេះទេ។ ដូច្នេះហើយទើបបានជា West Ham មានគម្រោងច្បាស់ក្នុងការផ្ដល់កុងត្រារយៈពេលវែងបន្ថែមទៀតលើអតីតអ្នកចាត់ការក្រុមបិសាចក្រហម Manchester United នេះ៕ប្រភព Dailymail