ក្រុមតោខៀវ Chelsea ក្រោមការដឹកនាំរបស់លោក Thomas Tuchel ប្រកួតដំបូងនៅយប់មិញនេះ បានត្រឹមស្មើជាមួយ Wolves ក្នុងលទ្ធផល ០-០ ប៉ុណ្ណោះ។
នេះជាប្រកួតដំបូងសម្រាប់លោក Tuchel ក្នុងនាមជាអ្នកចាត់ការថ្មី ហើយទើបដឹកនាំក្រុមហ្វឹកហាត់បាន១ថ្ងៃមុនប្រកួតនេះប៉ុណ្ណោះ។ លទ្ធផលស្មើនេះក៏មិនអាក្រក់មើលពេកដែរសម្រាប់ក្រុម Chelsea ជាមួយគ្រូថ្មី ប៉ុន្តែបើតាមសម្ដីរបស់លោក Tuchel វិញ បានប្រាប់ទៅអ្នកគាំទ្រថាកុំរំពឹងពានរង្វាន់អីសម្រាប់រដូវកាលនេះ ព្រោះតាមគម្លាតពិន្ទុគឺវាហួសពេលទៅហើយ។
អ្នកចាត់ការអាល្លឺម៉ង់ខាងលើនេះ បាននិយាយថា៖ “ពានរង្វាន់? វាបានឃ្លាតឆ្ងាយទៅហើយ។ យើងត្រូវទទួលស្គាល់ការពិត។ ពេលអ្នកចុះកុងត្រាជាមួយ Chelsea ទាំងកីឡាករ ឬក្នុងនាមជាគ្រូបង្វឹក អ្នកត្រូវតែរំពឹងក្នុងការឈ្នះពានរង្វាន់ណាមួយ។ តែពេលនេះ លទ្ធផលជាក់ស្ដែងយើងនៅឆ្ងាយពីពានរង្វាន់ណាស់។ យើងត្រូវទទួលស្គាល់ការពិតចំពោះរឿងនេះ”៕ប្រភព Dailymail
