នៅការប្រកួតជុំទី ២០ សម្រាប់ក្របខ័ណ្ឌ Premier League ក្រុមកាំភ្លើងធំ Arsenal បានយកឈ្នះ Southampton ដល់ក្នុងដីជាមួយលទ្ធផល ៣-១។ ៣ ពិន្ទុទទួលបានក៏រុញឲ្យក្រុមដឹកនាំដោយលោក Mikel Arteta រំកិលឡើងមកលេខ ៨ ហើយលំដាប់ពិន្ទុ Chelsea ធ្លាក់ដល់លេខ ១០ ស្មើនឹង Southampton។
ក្រឡេកទៅមើលស្ថិតិប្រកួតនៅឯកីឡដ្ឋាន St. Mary’s Stadium ក្រុមម្ចាស់ផ្ទះក៏មានឱកាសច្រើនដែរ ដោយទាំងការគ្រប់គ្រងបាល់និងការស៊ុត គឺមានប្រៀបជាងក្រុមភ្ញៀវ។ Southampton ស៊ុត ១៣ លើក ចំគោលដៅ ៥ លើក គ្រប់គ្រងបាល់ ៥៩ ភាគរយ ប៉ុន្តែរកបានមួយគ្រាប់ដំបូងគត់នៅនាទីទី ៣ ធ្វើបានដោយកីឡាករ Stuart Armstrong។
រីឯ Arsenal ស៊ុត ៩ លើក ចំគោលដៅ ៥ លើក គ្រប់គ្រងបាល់ ៤១ ភាគរយ តែរកបាន ៣ គ្រាប់ធ្វើបានដោយកីឡាករ Nicolas Pepe នៅនាទី ៨ ហើយមុនបញ្ចប់តង់ទីមួយប៉ុន្មាននាទីបន្ថែមមួយគ្រាប់ទៀតពី Bukayo Saka។ លុះដល់នាទី ៧២ រកបានគ្រាប់បាល់ទី ៣ ដោយកីឡាករ Alexandre Lacazette៕
ទស្សនាវីដេអូខាងក្រោម៖