នៅការប្រកួតជុំទី ១៩ សម្រាប់ Man City ពួកគេនៅតែធ្វើបានយ៉ាងល្អ តាមរយៈជ័យជម្នះ ៥-០ ទៅលើ West Brom នៅឯកីឡដ្ឋាន The Hawthorns។ ៣ ពិន្ទុដ៏សំខាន់បានរុញឲ្យក្រុមដឹកនាំដោយលោក Pep Guardiola រំកិលឡើងមកឈរកំពូលតារាង នាំមុខ Man Utd ១ ពិន្ទុបណ្តោះអាសន្ន។
បង្វែរទៅមើលស្ថិតិប្រកួត ក្រុមភ្ញៀវបុកតាំងពីដើមតង់ដល់បញ្ចប់តង់មួយចាស់ដៃ តាមរយៈការគ្រប់គ្រងបាល់ ៧៨ ភាគរយ ស៊ុត ១៨ លើក ចំគោលដៅ ៧ លើក ធៀបនឹងក្រុមម្ចាស់ផ្ទះធ្វើបានត្រឹម ២២ ភាគរយ ស៊ុត ៤ លើក ចំគោលដៅ ១ លើកគត់។
មួយគ្រាប់ដំបូងធ្វើបានដោយកីឡាករ Ilkay Gundogan នៅនាទី ៦ មុនខ្សែការពារ Joao Cancelo បន្ថែមគ្រាប់បាល់ទីពីរ ហើយរំលងបាន ១០ នាទី Gundogan ដដែលជួយឲ្យ City នាំមុខបីគ្រាប់។ ប៉ុន្តែមានទៅចប់ឯណា មុនបញ្ចប់តង់ទីមួយនៅនាទី ៤៥+២ កីឡាករជួរមុខ Riyad Mahrez ក៏បន្ថែមគ្រាប់បាល់ទី ៤ មុនអាជ្ញាកណ្តាលផ្លុំកញ្ចែ។ រហូតមកដល់តង់ទីពីរនៅនាទី ៥៧ Raheem Sterling ជាអ្នកបង្ហើយគ្រាប់បាល់ទី ៥ និងរក្សាលទ្ធផលដល់បញ្ចប់ការប្រកួត៕
ទស្សនាវីដេអូខាងក្រោម៖