Hugo Orlando Gatti អតីតអ្នកចាំទីជម្រើសជាតិអាហ្សង់ទីន មើលឃើញថាទម្រង់លេងរបស់ FC Barcelona បានកែប្រែប្លែក នៅពេលគ្មានវត្តមានរបស់ Lionel Messi នៅលើទីលាន និងទទួលជ័យជម្នះជាប់ជានិច្ច។
Messi កំពុងជាប់បម្រាម២ប្រកួត ដោយសារតែបានកាតក្រហមអំឡុងពេលប្រកួតពានរង្វាន់ Spanish Super Cup កន្លងទៅ។ យ៉ាងណាមិញ បើទោះជាអវត្តមានកីឡាករសំខាន់នេះមែន ប៉ុន្តែក្រុមអ្នកមានបុណ្យនៅតែអាចស្វែងរកជ័យជម្នះបានដដែល ដោយឈ្នះក្រុម Elche ក្នុងលទ្ធផល ២-០។
ចំពោះរឿងអវត្តមានប្រធានក្រុម តែលេងឈ្នះជាប់នេះ ត្រូវបានលោក Gatti បាននិយាយថា៖ “គ្រប់ពេល Messi អត់លេង Barcelona ឈ្នះ ព្រោះពួកគេបានប្រើប្រាស់ក្បួនលេងថ្មីទៀត។ បាល់ទាត់គឺនិយាយពីការឈ្នះការប្រកួត ប្រសិនបើអ្នកលេងល្អ។ គ្រប់ពេល Messi មិនលេង Barcelona ឈ្នះ”៕
ប្រភព៖ Marca