ក្លឹប Barcelona បានប្រកាសនៅរបាយការណ៍ហិរញ្ញវត្ថុនារយៈពេលចុងក្រោយ ជាមួយតួលេខជាក់លាក់ ហើយយើងបានឃើញថាក្លឹបនៅជាប់ជំពាក់លើថ្លៃផ្ទេរជាមួយភាគីក្លឹបដទៃជាង ១២៦ លានអឺរ៉ូឯណោះ។
នោះមានន័យថាកីឡាករនៅតំបន់អឺរ៉ុបចំនួន ១៩ រូប ដែលពួកគេធ្លាប់ចរចាទិញយក គឺមិនទាន់ទូទាត់ដាច់ទាំងស្រុងនោះទេ ដោយខ្លះនៅខ្វះ ៥ លាន ១០ លាន ឬខ្លះមានដល់ទៅជាង ២០ លានអឺរ៉ូក៏មាន។
ជាក់ស្តែងដូចជា Philippe Coutinho សម្រាប់ Barcelona នៅជំពាក់ Liverpool ជាង ២៩ លានអឺរ៉ូទៀតឯណោះ ប៉ុន្តែបើអូសបន្លាយការទូទាត់រយៈពេលយូរ នឹងឡើងដល់ ៤០ លានអឺរ៉ូ។ ដោយឡែកក៏មានកីឡាករធំៗមួយចំនួនផ្សេងទៀតដូចជា De Jong នៅជំពាក់ Ajax ១៦ លានអឺរ៉ូ , Firpo នៅជំពាក់ Betis ៩ លានអឺរ៉ូ និង Malcom នៅជំពាក់ Bordeadux ជិត ១០ លានអឺរ៉ូជាដើម៕
ប្រភព៖ Marca