Real Madrid បានរាយការណ៍ទៅសហព័ន្ធបាល់ទាត់អន្តរជាតិ FIFA ចំពោះរឿងដែលក្លឹប Inter Milan បានទាក់ទងកីឡាកររបស់ខ្លួន Luka Modric ផ្ទាល់។
អ្នកនាំពាក្យរបស់ FIFA បានបញ្ជាក់ថាពួកគេទទួលបានលិខិតមួយពីខាង Real Madrid ដោយបានចោទប្រកាន់ថាក្លឹប Inter Milan កំពុងធ្វើរឿងខុសច្បាប់ ទាក់ទងកីឡាករ Modric ដោយមិនឆ្លងកាត់ក្លឹបឡើយ។ យ៉ាងណាមិញ ក្រោយពីទទួលបានលិខិតនេះហើយ FIFA នឹងធ្វើការសើបអង្កេតចំពោះ រឿងនេះ ប៉ុន្តែចំពោះរឿង Inter ចង់បាន Modric នោះ ប្រហែលជាមិនអាចឡើយ ព្រោះទីផ្សារដោះដូរកីឡាករបានបិទបាត់ទៅហើយ។
Inter Milan ចង់បាន Modric នេះ ក្រោយពីឃើញកីឡាករក្រូអាតរូបនេះលេងល្អនៅ World Cup 2018 ដែលជួយឱ្យប្រទេសខ្លួនឡើងវគ្គផ្ដាច់ព្រ័ត្រ។ មួយវិញទៀតនៅក្នុងក្លឹប Inter នេះក៏មានកីឡាករក្រូអាតដល់ទៅ៣នាក់លេងនៅទីនោះផងដែរ។ ដូច្នេះហើយ ទើបបានជាពួកគេចេះតែទាក់ទង Modric តាមរយៈកីឡាកររបស់ខ្លួនផ្ទាល់តែម្ដង។
Modric ផ្លាស់ពី Spurs មកចូលរួមជាមួយក្រុម Real Madrid នៅឆ្នាំ២០០២ ដោយឈ្នះពាន La Liga ១ដង និងពានរង្វាន់ UEFA Champions League ៤ដង៕ប្រភព៖ dailymail