លោក Jurgen Klopp អ្នកចាត់ការក្រុម Liverpool សង្ឃឹមថាកូនក្រុមនឹងរៀនសូត្របានច្រើន ក្រោយពីលេងចាញ់ក្រុម Manchester United ក្នុងលទ្ធផល ៣-២ នៅ FA Cup ។
ដោយសារតែបរាជ័យផ្ទួនៗគ្នានេះហើយ អ្នកគាំទ្រចាប់ផ្ដើមបង្ហាញការព្រួយបារម្ភច្រើន។ ប៉ុន្តែសម្រាប់លោក Klopp មើលឃើញថាក្រុមចាប់ផ្ដើមផ្លាស់ប្ដូរទម្រង់លេងទៅរកភាពល្អប្រសើរបន្តិចហើយបើធៀបជាមួយប្រកួតកន្លងទៅ។ សញ្ញាវិជ្ជមាននេះ ត្រូវបានអ្នកចាត់ការក្រុម Liverpool ជឿថាប្រកួតបន្ទាប់ទៀតនឹងទទួលបានលទ្ធផលល្អវិញមិនខាន។
លោក Klopp បានបន្ថែមទៀតថា៖ “ខ្ញុំសង្ឃឹមថាយើងបានទទួលមេរៀនល្អៗជាច្រើនក្រោយលេងចាញ់ Man Utd នេះ។ Salah ចាប់ផ្ដើមលេងដោយមានទំនុកចិត្តឡើងវិញ។ យើងនឹងទទួលបានលទ្ធផលល្អនៅពេលខាងមុខ។ យើងនៅមានបញ្ហាសម្រាប់ការលេងទប់ទម្រង់វាយបករបស់ដៃគូ នេះជាចំណុចដែលត្រូវកែប្រែ”៕
ប្រភព៖ Goal