កីឡាកររួមសញ្ជាតិអាហ្សង់ទីន Leandro Paredes បានឲ្យតម្រុយជុំវិញការបញ្ចុះបញ្ចូលរបស់ក្លឹប PSG ទៅកាន់ភាគីខាងកីឡាករ Lionel Messi ដែលត្រូវផុតកុងត្រានាបញ្ចប់រដូវកាល ២០២០/២១។
ក្រុមបារាំងគឺជាក្រុមតែមួយក្នុងចំណោមក្រុមធំៗឯទៀត ដែលអាចមានលទ្ធផលផ្តល់ជូនប្រាក់ពលកម្មសម្រាប់តារាឆ្នើមខាងលើ។ ពាក់ព័ន្ធនឹងរឿងរ៉ាវនេះ Paredes គេបានទម្លាយប្រាប់សារព័ត៌មាន CdS ថា៖ “វាស៊ីសងលើ Leo ទេក្នុងការផ្ទេរមកក្លឹបមួយនេះ ខណៈដែល PSG កំពុងព្យាយាមបញ្ចុះបញ្ចូលគាត់ហើយ”។
លោកបន្ថែមទៀតថា៖ “ការដែលអាចលេងក្រោមការដឹកនាំដោយអ្នកចាត់ការមកពីប្រទេសរបស់អ្នក [Pochettino] និងការដែលអាចលេងជាមួយ Leo គឺជាឱកាសល្អបំផុត ខ្ញុំសង្ឃឹមថាវាអាចកើតឡើងទៅបាន”។
គួររំឭកថាប្រសិន Messi ព្រមផ្ទេរមកគេក៏មានឱកាសជួបមិត្តរួមសញ្ជាតិ Paredes និង Angel di Maria ហើយជាពិសេសគឺមិត្តជំនិត Neymar កាលរួមជើងនៅ Barcelona ថែមទៀតផង៕
ប្រភព៖ Marca