Barcelona បានយកឈ្នះទៅលើ Elche ២-០ ជាមួយនឹងការប្រកួតដែលអវត្តមានតារាឆ្នើម Lionel Messi។ ការរកគ្រាប់បាល់ធ្វើបានដោយកីឡាករ Frenkie de Jong និង Riqui Puig។
សម្រាប់ Puig វាជាគ្រាប់បាល់ដំបូងបង្អស់ហើយសម្រាប់គេនៅ ការលេងឲ្យឈុតធំ Barcelona ដោយ ២៥ ប្រកួត រកបាន ១ គ្រាប់និង Assist ៣ លើក។ គេមើលទៅហាក់ខំប្រឹងខ្លាំង បើទោះបីជាកម្ពស់ទាបត្រឹម ១,៦៩ ម៉ែត្រ ប៉ុន្តែនៅអាចព្យាយាមបញ្ចប់ទី តាមរយៈការតែតបាល់បាន។
ប្រាប់ Movistar ក្រោយចប់ការប្រកួត យុវជនសញ្ជាតិអេស្ប៉ាញនិយាយ៖ “ខ្ញុំច្បាស់ថាអនាគតរបស់ខ្ញុំនឹងរីករាយជាមួយអាវនិងស្បែកជើងមួយនេះ ព្រោះវាជាពេលវេលានៃការរកគ្រាប់បាល់ដំបូងរបស់ខ្ញុំសម្រាប់ Barca”។
គេបន្ថែមទៀតថា៖ “វាជាឆ្នាំដ៏ពិបាកមួយសម្រាប់ខ្ញុំ ដោយខ្ញុំបានចូលលេងតិចតួចបំផុត ដូចឪពុករបស់ខ្ញុំបាននិយាយ ថាកូនត្រូវខំប្រឹងនិងរៀនសូត្រឲ្យបានច្រើន ហើយជាមួយក្រុមគឺយើងនឹងនៅតែបន្តខិតខំ បែបនេះយើងនឹងមិនខកខានឱកាសណាតទៅទៀតឡើយ”៕
ប្រភព៖ BeSoccer