Man Utd បានយកឈ្នះ ៣-២ ទៅលើហង្សក្រហម Liverpool នៅឯជុំទី ៤ ពានរង្វាន់ FA Cup។ ការប្រកួតដ៏ស្វិតស្វាញដែលធ្វើឡើងនៅឯកីឡដ្ឋាន Old Trafford កាលពីយប់មិញ ឃើញថាក្រុមទាំងពីរសុទ្ធតែធ្វើបានល្អរៀងខ្លួន។
ស្ថិតិគ្រប់គ្រងបាល់ម្ចាស់ផ្ទះមាន ៤១ ភាគរយ ខណៈក្រុមភ្ញៀវមាន ៥៩ ភាគរយ ប៉ុន្តែឱកាសស៊ុតមាន ១៤ លើកដូចគ្នា និងចំគោលដៅ ៦ លើកដូចគ្នា។
គ្រាប់បាល់បើកឆាកធ្វើបានដោយ Mohamed Salah នៅនាទី ១៨ មុនរំលង ៨ នាទីយុវជន Mason Greenwood តាមស្មើបានមួយគ្រាប់វិញ។ រហូតដល់នាទី ៤៨ ទើប Marcus Rashford ស៊ុតផុតដៃ Alisson បន្ថែមគ្រាប់បាល់ទី ២ ហើយរំលង ១០ នាទី Salah ក៏បន្ថែមគ្រាប់បាល់ទី ២ សម្រាប់ខ្លួនផងដែរ។
ការប្រកួតនៅបន្តតានតឹង មកដល់នាទី ៧៨ ក្រុម Man Utd មានឱកាសស៊ុត Free Kick ក្បែរប្រអប់គ្រោះថ្នាក់ ហើយ Bruno Fernandes គេស៊ុតស៊ីជ្រុង ៩០ បានយ៉ាងល្អ និងជាគ្រាប់បាល់ទម្លាក់ហង្សចេញពី FA Cup ត្រឹមជុំទី ៤៕
ទស្សនាវីដេអូខាងក្រោម៖